Segurtasuna, elkarbizitza eta gizarte-kohesioa
Elkarbizitzarako hiri batean pentsatzea
Bizi-kalitatea konfiantzan, elkarrekiko errespetuan eta gizarte anitz batean elkarrekin bizitzeko gaitasunean ere oinarritzen da. Esparru honek gizarte-kohesioa nola indartu eta pertsona guztiek beren bizi-proiektua lasaitasunez eta segurtasunez garatzeko aukera izango duten inguruneak nola sortu hausnartzera gonbidatzen du.
Elkarbizitzarekin, integrazioarekin, gatazken prebentzioarekin eta konfiantzan eta toki batekoa izatearen sentimenduan oinarritutako komunitate baten eraikuntzarekin lotutako erronkak landuko dira elkarrizketan.
Abiapuntuak
- Elkarbizitza eta elkarrekiko errespetua
- Gizarte-kohesioa
- Aniztasuna eta integrazioa
- Gatazken prebentzioa
- Segurtasuna eta segurtasun-pertzepzioa
- Komunitatea eta konfiantza
Saioek informazioa, deliberazioa eta elkarlana uztartzen dituzte, ezagutza kolektiboa proposamen zehatz bihurtzeko. Topaketa bakoitzak parte-hartze prozesuaren etapa bat irudikatuko du, eta hurrengo faserako oinarri izango diren emaitzak emango ditu.
Esparruko erronka eta aukera nagusiak identifikatzen ditugu, ikuspegi desberdinak partekatzen ditugu eta egungo egoerari eta etorkizuneko erronkei buruzko diagnostiko komun bat eraikitzen dugu.
Ikuspegi partekatua eraikitzea
Gai nagusietan sakontzen dugu parte-hartzeko dinamiken bidez, ebidentziak, esperientziak eta proposamenak alderatuz eztabaida kolektiboa aberasteko.
Eztabaida egituratua
Prozesuan zehar sortutako proposamenak aztertzen ditugu eta hiriaren erronkei erantzuteko eta epe luzera eragin positiboa sortzeko gaitasun handiena dutenak lehenesten ditugu.
Lehentasun estrategikoak
Jarduera-ildo partekatuak eta orientazio estrategikoak definitzen ditugu, 2040an nahi dugun Donostia eraikitzeko oinarri izango direnak.