Ekonomia indartsua, berritzailea eta ezagutzan oinarritua
Aurrera egiteko hiri batean pentsatzea
Hiri baten ongizatea kalitatezko enplegua sortzeko, talentua erakartzeko eta garapen pertsonal eta profesionalerako aukerak eskaintzeko duen gaitasunaren mende ere badago. Esparru honek gogoeta egiten du aurrerapen kolektiboari lagunduko dion ekonomia berritzaile eta lehiakorra nola indartu jakiteko.
Elkarrizketan, ezagutzarekin, berrikuntzarekin, ekintzailetzarekin eta eraldaketa ekonomikoarekin lotutako gaiak landuko dira, eta gaur egungo eta etorkizuneko belaunaldientzat aukerak sortzeko gai izango den Donostia nola sendotu aztertuko da.
Abiapuntuak
- Kalitatezko enplegua
- Berrikuntza eta ekintzailetza
- Talentua erakartzea eta hari eustea
- Zientzia eta ezagutza
- Eraldaketa ekonomikoa
- Aukera-sektore berriak
Saioek informazioa, deliberazioa eta elkarlana uztartzen dituzte, ezagutza kolektiboa proposamen zehatz bihurtzeko. Topaketa bakoitzak parte-hartze prozesuaren etapa bat irudikatuko du, eta hurrengo faserako oinarri izango diren emaitzak emango ditu.
Esparruko erronka eta aukera nagusiak identifikatzen ditugu, ikuspegi desberdinak partekatzen ditugu eta egungo egoerari eta etorkizuneko erronkei buruzko diagnostiko komun bat eraikitzen dugu.
Ikuspegi partekatua eraikitzea
Gai nagusietan sakontzen dugu parte-hartzeko dinamiken bidez, ebidentziak, esperientziak eta proposamenak alderatuz eztabaida kolektiboa aberasteko.
Eztabaida egituratua
Prozesuan zehar sortutako proposamenak aztertzen ditugu eta hiriaren erronkei erantzuteko eta epe luzera eragin positiboa sortzeko gaitasun handiena dutenak lehenesten ditugu.
Lehentasun estrategikoak
Jarduera-ildo partekatuak eta orientazio estrategikoak definitzen ditugu, 2040an nahi dugun Donostia eraikitzeko oinarri izango direnak.